ദോഹ : ഖത്തറിൽ സാങ്കേതിക തകരാറിനെ തുടർന്ന് സൈനിക ഹെലിക്കോപ്റ്റർ തകർന്നുവീണതായി പ്രതിരോധ മന്ത്രാലയം അറിയിച്ചു. ഞായറാഴ്ച പുലർച്ചെ 3:53-ഓടെ പതിവ് ഡ്യൂട്ടിക്കിടെ ഹെലിക്കോപ്റ്റർ കടലിൽ തകർന്നു വീഴുകയായിരുന്നുവെന്ന് പ്രതിരോധ മന്ത്രാലയം അറിയിച്ചു.യാത്രക്കാർക്കും ജീവനക്കാർക്കും വേണ്ടിയുള്ള തിരച്ചിൽ പുരോഗമിക്കുകയാണെന്ന് മന്ത്രാലയത്തിന്റെ പ്രസ്താവനയിൽ പറയുന്നു.

 

രാജ്യത്തിന്റെ സമുദ്രാതിർത്തിയിൽ പ്രത്യേക സംഘങ്ങൾ രക്ഷാപ്രവർത്തനങ്ങൾ തുടരുകയാണ്. ജനറൽ ഡയറക്ടറേറ്റ് ഓഫ് കോസ്റ്റ്സ് ആൻഡ് ബോർഡേഴ്‌സ് സെക്യൂരിറ്റിയിലെ മാരിടൈം സെർച്ച് ആൻഡ് റെസ്‌ക്യൂ ടീമും, ആഭ്യന്തര സുരക്ഷാ സേനയുടെ (ലെഖ്‌വിയ) ഖത്തർ ഇന്റർനാഷണൽ സെർച്ച് ആൻഡ് റെസ്‌ക്യൂ ഗ്രൂപ്പും ചേർന്നാണ് രക്ഷാപ്രവർത്തനങ്ങൾ നടത്തുന്നത്.