‘ഓക്കേ അല്ലേ മോനേ…’; ‘പേട്രിയറ്റ്’ ഡബ്ബിങ് പൂർത്തിയാക്കി മോഹൻലാൽ

Spread the love

17 വർഷങ്ങൾക്കുശേഷം മമ്മൂട്ടിയും മോഹൻലാലും ഒന്നിച്ചഭിനയിക്കുന്ന ചിത്രമെന്ന നിലയിൽ ഏറെ പ്രതീക്ഷകളോടെയാണ് ആരാധകർ ‘പേട്രിയറ്റി’നെ കാത്തിരിക്കുന്നത്. മഹേഷ് നാരായണൻ സംവിധാനംചെയ്യുന്ന ചിത്രത്തിന്റെ പുതിയ അപ്‌ഡേറ്റ് ഇപ്പോൾ പുറത്തുവന്നിരിക്കുകയാണ്. ചിത്രത്തിൽ മോഹൻലാൽ തന്റെ ഡബ്ബിങ് പൂർത്തിയാക്കിയെന്നാണ് അണിയറപ്രവർത്തകർ അറിയിച്ചിരിക്കുന്നത്.

 

മോഹൻലാൽ ഡബ്ബിങ് ചെയ്യുന്നതിന്റെ വീഡിയോ അടക്കം പുറത്തുവന്നു. റേഞ്ച് റോവർ കാറിൽ എൽ366 സിനിമയുടെ ലുക്കിൽ കറുപ്പ് ഷർട്ടും പാന്റ്‌സും ധരിച്ച്‌ ഡബ്ബിങ്ങിനെത്തുന്ന മോഹൻലാലിനെ വീഡിയോയിൽ കാണാം. ചിത്രത്തിന്റെ സംവിധായകൻ മഹേഷ് നാരായണൻ മോഹൻലാലിന് നിർദേശങ്ങൾ നൽകാനായി സ്റ്റുഡിയോയിലുണ്ട്. ‘ഓക്കേ അല്ലേ’, എന്ന് മോഹൻലാൽ ചോദിക്കുമ്പോൾ ‘ഓക്കേ സർ’, എന്ന് മഹേഷ് മറുപടി നൽകുന്നു.

 

ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് എന്നിവയുടെ ബാനറിൽ ആന്റോ ജോസഫ്, കെ.ജി. അനിൽകുമാർ എന്നിവർ ചേർന്ന് നിർമിക്കുന്ന മൾട്ടിസ്റ്റാർ ചിത്രം ഏപ്രിൽ 23-ന് ആഗോള റിലീസായെത്തും. സിആർ സലിം പ്രൊഡക്ഷൻസ്, ബ്ലൂ ടൈഗേഴ്സ് ലണ്ടൻ എന്നീ ബാനറുകളിൽ സി.ആർ. സലിം, സുഭാഷ് ജോർജ് മാനുവൽ എന്നിവരാണ് ചിത്രത്തിന്റെ സഹനിർമാണം നിർവഹിക്കുന്നത്. സി.വി. സാരഥിയും രാജേഷ് കൃഷ്ണയുമാണ് ചിത്രത്തിന്റെ എക്‌സിക്യൂട്ടീവ് പ്രൊഡ്യൂസർമാർ.

  • Related Posts

    ‘വസ്ത്രം മാറി കിടന്നത് ഫോക്കസ് ചെയ്ത് വിഡിയോ എടുത്തു, വാക്കുകള്‍ ലൈംഗിക ചുവയുള്ളതാക്കി; ജീവിക്കാന്‍ തന്നെ പേടി’; വേദനയോടെ ആരതി കൃഷ്ണ

    Spread the love

    Spread the loveതന്റെ കരിയറും സ്വകാര്യ ജീവിതവും തകര്‍ക്കാന്‍ ശ്രമിക്കുന്ന യൂട്യൂബേഴ്‌സിനെതിരെ ഫിറ്റ്‌നസ് ഇന്‍ഫ്‌ളുവന്‍സര്‍ ആരതി കൃഷ്ണ. പൊതു പരിപാടിയിലെ വസ്ത്രധാരണത്തിലുണ്ടാകുന്ന ചെറിയ അശ്രദ്ധയുടെ നിമിഷങ്ങള്‍ പോലും പകര്‍ത്തി തെറ്റായ രീതിയില്‍ പ്രചരിക്കുകയാണ്. തന്റെ വാക്കുള്‍ കട്ട് ചെയ്ത് ലൈംഗികചുവയോടെ പ്രചരിപ്പിച്ച്…

    പ്രണയം സ്ഥിരീകരിച്ച് രശ്മികാ മന്ദാനയും വിജയ് ദേവരകൊണ്ടയും; വിവാഹത്തിന് നൽകിയത് ആരാധകർ ഇട്ട പേര്

    Spread the love

    Spread the loveഅഭ്യൂഹങ്ങൾക്ക് വിരാമമിട്ടുകൊണ്ട് പ്രണയം സ്ഥിരീകരിച്ച് ചലച്ചിത്രതാരങ്ങളായ രശ്മികാ മന്ദാനയും വിജയ് ദേവരകൊണ്ടയും. ഇൻസ്റ്റഗ്രാം സ്റ്റോറിയിലൂടെയാണ് ഇരുവരും തങ്ങളുടെ പ്രണയം ഔദ്യോഗികമായി സ്ഥിരീകരിക്കുകയും വിവാഹിതരാകാൻ പോകുകയാണെന്ന് അറിയിക്കുകയും ചെയ്തത്. തങ്ങളുടെ വിവാഹത്തിന് ആരാധകർ സ്‌നേഹത്തോടെ നൽകിയ പേര് സ്വീകരിക്കുന്നതായും ഇരുവരും…

    Leave a Reply

    Your email address will not be published. Required fields are marked *