spot news 🔴
പത്തനംതിട്ട: പത്തനംതിട്ടയില് 28 കാരിയെ ക്രൂരബലാത്സംഗത്തിന് ഇരയാക്കിയ സംഭവത്തില് പ്രതി പിടിയില്. പ്രതി വിനോദിനെ ഇന്നലെ രാത്രി അടൂര് പൊലീസ് ആണ് അറസ്റ്റ് ചെയ്തത്. യുവതിയുടെ അയല്വാസിയായ ഓട്ടോ ഡ്രൈവര് ആണ് പ്രതിയായ വിനോദ്. ജ്യൂസില് മയക്കുമരുന്ന് നല്കി യുവതിയെ ലൈംഗിക പീഡനത്തിന് ഇരയാക്കി എന്നതാണ് കേസ്.
ഫെബ്രുവരി 15 നാണ് കേസിനാസ്പദമായ സംഭവം. അയല്വാസിയായ ഓട്ടോ ഡ്രൈവറെ വസ്ത്രശാലയില് പോകാന് ഓട്ടം വിളിച്ചു. ലൈസന്സ് എടുക്കാന് മറന്നു പോയെന്ന് കളവ് പറഞ്ഞ് അയാളുടെ വീട്ടിലേക്ക് കൊണ്ടുപോയി.
തുടര്ന്ന് ജ്യൂസില് മയക്കുമരുന്ന് നല്കി പീഡിപ്പിച്ചെന്നാണ് പരാതി. പീഡന ദൃശ്യങ്ങള് പ്രതി വിനോദ് ഫോണില് ചിത്രീകരിച്ചു. അവ കാണിച്ച് ഭീഷണി തുടര്ന്നതോടെ പ്രതിയുടെ ഭാര്യയോട് കാര്യങ്ങള് വെളിപ്പെടുത്തി. അതിന്റെ വൈരാഗ്യത്തില് ടാങ്കര് ലോറിയില് കയറ്റി കൊണ്ടുപോയി മര്ദ്ദിച്ചെന്നും പരാതിക്കാരി പറയുന്നു. മില്മ ടാങ്കര് ഡ്രൈവര് കൂടിയാണ് വിനോദ്.
