ദിവസങ്ങളായി തുടരുന്ന നഴ്‌സുമാരുടെ സമരത്തിന്റെ പ്രയാസം ഇന്ന് അനുഭവിക്കുന്നത് സാധാരണക്കാരായ രോഗികളാണ്. ഐസിയുവുകളും ട്രോമ കെയർ യൂണിറ്റുകളും അടക്കമുള്ള ആരോഗ്യ സേവനങ്ങളിൽ നഴ്‌സുമാരുടെ സേവനം അനിവാര്യമായിരിക്കുമ്പോൾ, പല സ്വകാര്യ ആശുപത്രികളിലും ഗുരുതര അവസ്ഥയിലുള്ള രോഗികൾ പോലും വലിയ ബുദ്ധിമുട്ടുകൾ നേരിടുന്ന സാഹചര്യമാണുള്ളത്.

 

നഴ്‌സുമാരുടെ ന്യായമായ ആവശ്യങ്ങളിൽ സർക്കാർ അടിയന്തരമായി ഇടപെട്ട് പരിഹാരം കാണേണ്ടതായിരുന്നു. എന്നാൽ ആരോഗ്യ മേഖലയിലെ ഈ ഗുരുതര സാഹചര്യം തുടരുമ്പോഴും, രോഗികൾ നേരിടുന്ന ബുദ്ധിമുട്ടുകൾക്ക് പരിഹാരം കണ്ടെത്താനുള്ള ശക്തമായ ഇടപെടൽ സർക്കാർ നടത്താത്തത് ആശങ്കാജനകമാണ്.

 

രോഗികളുടെ അവകാശവും നഴ്‌സുമാരുടെ ന്യായമായ ആവശ്യങ്ങളും ഒരുപോലെ സംരക്ഷിക്കുന്ന തരത്തിൽ സർക്കാർ അടിയന്തരമായി നടപടി സ്വീകരിക്കണം. അല്ലാത്തപക്ഷം ഇതിനെതിരെ ശക്തമായ പ്രതിഷേധം സംഘടിപ്പിക്കുമെന്ന് യൂത്ത് കോൺഗ്രസ് സംസ്ഥാന ജനറൽ സെക്രട്ടറി അരുൺദേവ്.