ബത്തേരി: വീടിന് സമീപത്തെ വനമേഖലയിൽ കാണാതായ ആളെ മരിച്ച നിലയിൽ കണ്ടെത്തി. മൂലങ്കാവ് കൊട്ടനോട് സ്വദേശി മോഹനൻ (52) നെയാണ് വന്യജീവി സങ്കേതത്തിലെ പൊന്നച്ചൻകൊല്ലി ഭാഗത്ത് മരിച്ച നിലയിൽ കണ്ടെത്തിയത്. കഴിഞ്ഞ മാസം 27-ാം തീയതി വൈകിട്ട് മുതലാണ് മോഹനനെ കാണാതായത്. ഇത് സംബന്ധിച്ച് കുടുംബം സുൽത്താൻബത്തേരി പൊലീസിൽ പരാതി നൽകിയിരുന്നു. തുടർന്ന് പൊലീസ് അന്വേഷണം നടത്തിവരുന്നതിനിടെയാണ് കഴിഞ്ഞ ദിവസം ഉച്ചയോടെ വനംവകുപ്പ് ജീവനക്കാർ വനത്തിനുള്ളിൽ മൃതദേഹം കണ്ടെത്തിയത്. സുൽത്താൻബത്തേരി പൊലീസ് സ്ഥലത്തെത്തി തുടനടപടികൾ സ്വീകരിച്ചു.