വിജയപുര∙ രണ്ട് സീറ്റുള്ള പരിശീലന വിമാനം തകർന്നു വീണു. കർണാടകയിലെ വിജയപുര ജില്ലയിലെ ബബലേശ്വർ താലൂക്കിലാണ് വയലിൽ ചെറുവിമാനം തകർന്നുവീണത്. വിമാനത്തിലുണ്ടായിരുന്ന രണ്ടുപേരും പരുക്കുകളോടെ രക്ഷപ്പെട്ടു. നിയന്ത്രണം നഷ്ടമായ വിമാനം പാടത്തു വീണപ്പോള്‍ മൂന്നു കഷ്ണമായി വേർപ്പെട്ടു. കലബുറഗിയിൽ നിന്ന് ബെലഗാവിയിലേക്ക് പറക്കുകയായിരുന്നു പരിശീലന വിമാനം . പരുക്കേറ്റവരെ ആശുപത്രിയിൽ പ്രവേശിപ്പിച്ചു.