കണ്ണൂർ∙ സൈക്കിൾ യാത്രികൻ ടിപ്പറിന്റെ പിൻചക്രം ദേഹത്ത് കയറാതെ തലനാരിഴയ്ക്കു രക്ഷപ്പെട്ടു. ഞായറാഴ്ച രാവിലെ പയ്യന്നൂർ വിഠോബ ക്ഷേത്രത്തിനു മുന്നിലാണ് സംഭവം. പയ്യന്നൂരിലെ മാധ്യമ പ്രവർത്തകൻ എൻ.എം.രാമചന്ദ്രനാണ് രക്ഷപ്പെട്ടത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു.

അമ്പലത്തിനു മുൻപിൽ റോഡരികിൽ പ്രാർഥിക്കാൻ സൈക്കിൾ നിർത്തിയ രാമചന്ദ്രൻ അബദ്ധത്തിൽ റോഡിലേക്ക് വീഴുകയായിരുന്നു. അതുവഴി വരികയായിരുന്ന ടിപ്പറിന്റെ അടുത്തേക്കാണ് വീണതെങ്കിലും പിൻചക്രം ദേഹത്തു കയറാതെ അദ്ഭുതകരമായി രക്ഷപ്പെടുകയായിരുന്നു.