ധാക്ക∙ ബംഗ്ലദേശ് വ്യോമസേനയുടെ പരിശീലന വിമാനം ധാക്കയിലെ സ്കൂൾ കെട്ടിടത്തിനു മുകളിൽ തകർന്നുവീണു. സംഭവത്തിൽ ഒരാൾ കൊല്ലപ്പെട്ടു. നാലുപേർക്ക് പരുക്കേറ്റിട്ടുണ്ട്. ഇവരെ സൈനിക ആശുപത്രിയിലേക്കു മാറ്റി. എഫ്7 ബിജിഐ വിമാനമാണ് ധാക്കയുടെ വടക്കൻമേഖലയായ ഉത്തരയിൽ മൈൽസ്റ്റോൺ സ്കൂൾ ആൻഡ് കോളജ് ക്യാംപസിൽ തകർന്നുവീണത്.

 

അപകടം നടക്കുമ്പോൾ സ്കൂളിൽ വിദ്യാർഥികളുണ്ടായിരുന്നു. പ്രാദേശിക സമയം ഉച്ചയ്ക്ക് 1.06നായിരുന്നു സംഭവമെന്ന് ബംഗ്ലദേശ് സൈന്യം പുറത്തിറക്കിയ വാർത്താക്കുറിപ്പിൽ അറിയിച്ചു. കോളജ് കന്റീനിന്റെ പുറത്തേക്കാണ് വിമാനം വീണതെന്നാണ് റിപ്പോർട്ട്.