spot news 🔴
കോഴിക്കോട്: വീട്ടുമുറ്റത്തുവെച്ച് പതിനൊന്നു വയസ്സുകാരനെ പാമ്പ് കൊത്തി. പാന്റ്സില് കൊത്തിയതുകൊണ്ട് വിദ്യാര്ഥി പരിക്കേല്ക്കാതെ രക്ഷപെട്ടു. നാദാപുരത്ത് കല്ലാച്ചി പാലോറോത്ത് മുക്കിലെ പൂലോറോത്ത് ഹാരിസിന്റെ മകന് അബ്ദുല് റാനിഷിനെ(11)യാണ് പാമ്പ് കൊത്തിയത്. വെള്ളിയാഴ്ച വൈകുന്നേരം അഞ്ചുമണിയോടെയാണ് സംഭവം.
വീട്ടുമുറ്റത്ത് നിര്ത്തിയിട്ട സ്കൂട്ടറില് നിന്ന് സാധനമെടുക്കുന്നതിനിടെയാണ് പാമ്പ് കൊത്തിയത്. സിസിടിവി ദൃശ്യങ്ങള് പരിശോധിച്ചപ്പോള് പൂച്ച പാമ്പിനെ ഓടിക്കുന്ന ദൃശ്യങ്ങള് കണ്ടെത്തി.
പൂച്ചയില്നിന്ന് രക്ഷപ്പെടാന് പാമ്പ് കാറിനടിയിലേക്ക് ആദ്യം ഇഴഞ്ഞെത്തി. തുടര്ന്ന് സ്കൂട്ടറിന് പിന്നിലേയ്ക്കും എത്തി. ഇതിനിടയില് സ്കൂട്ടറില്നിന്ന് സാധനങ്ങള് എടുക്കാന്വേണ്ടി പോകുന്നതിനിടയിലാണ് പാമ്പ് കടിയ്ക്കാന് ശ്രമിച്ചത്.
