മംഗളൂരു: ധർമ്മസ്ഥലയിൽ നിന്ന് വീണ്ടും അസ്ഥിഭാഗങ്ങൾ കണ്ടെത്തിയതായി റിപ്പോർട്ട്. ബങ്കലെഗുഡെ വനമേഖലയിൽ പരിശോധന നടത്തവെയാണ് അസ്ഥിഭാഗങ്ങൾ കണ്ടെത്തിയതെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.

 

മൃതദേഹങ്ങൾ ഈ പ്രദേശത്ത് ചിന്നയ്യ കുഴിച്ചിട്ടത് കണ്ടുവെന്ന് രണ്ട് പ്രദേശവാസികൾ മൊഴി നൽകിയിരുന്നു. ഇതിനെത്തുടർന്നായിരുന്നു പ്രത്യേകാന്വേഷണ സംഘം ഈ മേഖലയിൽ പരിശോധന നടത്തിയത്.

 

കണ്ടെത്തിയ മൃതദേഹാവശിഷ്ടങ്ങൾ മനുഷ്യൻറേത് തന്നെ ആണോ എന്ന കാര്യം വ്യക്തമല്ല. കൂടുതൽ പരിശോധനയ്ക്കായി ഫോറൻസിക് ലാബിലേക്ക് അയച്ചിട്ടുണ്ട്.

 

ഈ മേഖലയിൽ കൂടുതൽ അവശിഷ്ടങ്ങളോ തെളിവുകളോ കണ്ടെത്താൻ സാധിക്കുമോ എന്ന് പരിശോധിക്കുകയാണെന്നും തിരച്ചിൽ തുടരുകയാണെന്നും പ്രത്യേകാന്വേഷണ സംഘം പറഞ്ഞു.